Shillong, Nailur 23: Ka Meghalaya Cricket Association ka la pyllait ïa ka thup kyrteng ki player na bynta ka kynhun ïalehkai U-15 kynthei bad U-16 shynrang ki ban ïashimbynta ha ki lympung ïalehkai ka BCCI na bynta ka samoi 2024-25.
Ka MCA junior girls selection committee ka la pynbna ïa ka thup kyrteng jong ki 25 ngut ki player kiba ladep jied lyngba ki jingïalehkai pyrshang jied player (selection trial) ba la long ha ka 15 bad 18 tarik mynta u Nailur, 2024.
Kumjuh ruh, na ka liang jong ka MCA’ junior men selection committee ka la pynlong ïa ki jingïalehkai pyrshang jied player (selection trial) naduh ka15 haduh 20 tarik Nailur khnang ban jied bad ïoh ïa ka thup kyrteng jong ki 30 ngut ki rangïalehkai.
Ki player kiba la shah jied ki hap, lait noh kito kiba ladep lypa, ban phah ïa ki kot ki sla (document) ha lane shuwa ka 27 tarik Nailur, 2024. Kine ki kot ki kynthup ïa ka Syrnod Sngi Kha (birth certificate) (kaba bha lada ïoh da ki digital birth certificate lada don); Aadhaar card; school mark sheet na bynta ki lai snem ba ladep; school bonafide certificate kaba kdew ïa ka kyrteng jong u ne ka player, ka sngi kha bad klass kaba ki pule ryngkat bad ka dur; bad ruh ka dur passport size ba la kdew bad ka tarik kha bad ka kyrteng.
Ki Player ki lah ban wad jingtip na ka ophis treikam jong ka MCA lada ki donkam ki jingtip ba kham bñiah.
Ka thup kyrteng ki thei U-15 ki long: Mandy Adreena L Mawnai, Isha Ray, Namesha A Marak, Sweetcemary Khongthiang, Leeny Rai, Sharaisuk Marpna, Diya Biswa, Joanna Pyngrope, Banchilla Marak, Philawanbiang Syiemlieh, Adalyn Fedilia Lyngkhoi, Anniba Aiyosha D Sangma, Jennifer Fancon, Dejiana M Sangma, Eliza Lyngdoh, Deimi Alaska R Marak, Onasa M Sangma, Reavydaysha Lyngkhoi, Priya, Bijime Ch Momin, Philasyrpai, Idashisha Sohshang, Sonakshi R Marak, Rijanailin Peinlang, Mania Sangma.
Ka thup kyrteng ki rang U-16: Mannan Surana, Krishiv Chaudhary, Raunak Srivastava, Samelawan S Nongkseh, Trejosh Dey, Manbhalang Marshillong, Chingring K Marak, Aryan Kumar Ray, Sameer Chaudhary, Eshan Siangshai, Trijal Agarwal, Mewankitbok M Kharpuri, Benhaden N Marak, Chuanglary B Marak, Md Wahid, Doangkam Ch Marak, Udit Pradhan, Abhijit Chanda, Jakrasil Chuseng R Marak, Abagtha Marak, Ranvir Mashi, Joseph Mathew, Meiatei Sun, Chukam Matsram D Shira, Damechua Khongsngi, Hriday Chettri, Changrik M Sangma, Joshua L Mawnai, Jamesbirth Ch Sangma, Gurjit Singh.
