Shillong, Nailur 22: Ka Meghalaya High Court ka la pan ïa ka kaiphod kaba thymmai halor ki jingeh ba mih bad ka jingaiti ia ki jaka ha ki ar tylli ki bynta ka thaiñ Pynursla ban shna ïa ka surok Shillong-Dawki. Ka la buh por saw taïew ban aiti ïa ka kaiphod.
Related Posts
Ha ka hukum, ka Kashari ka la ong ba u Dr N Mozika, DSG uba la wan mih na ka bynta ka National Highways and Infrastructure Development Corporation Limited (NHIDCL), u la pule ïa ki bynta kiba ïadei bad ka affidavit bad u la pyntip ruh ba ki dang don katto katne ki jaka, kiba mih ki jingeh haba ïadei bad ka aiti ïa ki jaka ha ki ar bynta, ka Pynursla ka dei kawei.
“Namar kata, dei ban ai ïa ka kaiphod thymmai jong ka jinglong jingman hapoh saw taïew naduh mynta ka sngi. La khmih lynti ba ka Sorkar Jylla kan pyntip ruh sha ka Ïingbishar lyngba ka affidavit, shaphang ka jingeh ba la pynsngew da u nongïasaid aiñ ba mihkhmat na ka bynta ka NHIDCL,” ka la ong.