Shillong, Jylliew, 1: U Myntri khynnah jong ka sorkar pdeng ba dei khmih ïa ka Tnat Information & Broadcasting bad Fisheries, Animal Husbandry & Dairying, u Dr. L. Murugan un sdang ïa ka jingwan jngoh jong u kaba ar sngi ïa ka jylla Meghalaya ha ka 2 tarik Jylliew, 2022.
Ha kane ka jingwan jong u, u Myntri u leit jngoh ïa ki jaka bapher bapher ba pyntrei ïa ka projek ban peit bniah ïa ki jingdon jingem ba ïadei bad ki kam ri dohkha, bad ka jingpyntreikam ïa ka Pradhan Mantri Matsya Sampada Yojana (PMMSY) kumjuh ruh ki skhim jong ka Animal Husbandry ha ka jylla. U Myntri un ïakren ruh bad ki nongïoh jingmyntoi ha nongbah Shillong.
U Dr. Murugan un leit jngoh ruh ïa ka All India Radio, Cherrapunjee. Un ïakren bad ki ophisar jong ki tnat hapoh ka Tnat I&B bad Fisheries jong ka sorkar pdeng.
