Mawkyrwat, ‘Nailar 27: Ka Ranikor Constituency Development Committee (RCDC) lyngba ka tnad treikam Education Cell kum shibynta ban pynshlur ïa ki samla ka thaiñ ka khot application na ka bynta ban ai Award ïa ki samla ka Ranikor Constituency kiba pass ïa ka Secondary School Leaving Certificate (SSLC), Higher Secondary School Leaving Certificate (HSSLC), Diploma Course, Bachelor Degree, Master Degree, ki samla donsap kiba wanrah burom ia ka district bad kiba kiba la pas Doctor.
Shuh shuh la pyntip ba ha kane ka jingaikhusnam yn shim bad pdiang naduh ka kiba pass ha u 2022-23 bad 2023-24 bad la buh ruh ba kiba lah ban phah ïa ki kyrteng kin long SSLC & HSSLC + Diploma Course 75% shaneng, Bachelor Degree + Master Degree 70% shaneng, ki Talented Youth la bthah ba ki dei kiba la ju mih khmat ïa ka District sha ka State ne National Level kum ha ki Sports, Swimming, Superstar jong ka Dancing ne Singing etc., bad kiba pas Doctor kiba dei napoh ka Constituency khlem da kheiñ ïa ka jingïoh percentage.
Ki donkam ban pynshisha ki long: EPIC + Mark Sheets ïa kiba la don EPIC, ka EPIC ki Kmie/Kpa ïa ki bym don EPIC + Mark Sheets. Yn pdiang khatduh ïa ki nongthep kyrteng haduh ka 4 baje janmiet jong ka 20 u ‘Nailur, 2024 bad ki lah ban leh da ka online lyngba ka WhatApp bad ka offline ryngkat ki kot ki sla ba biang jong u ne ka nongthep kyrteng. Ïa ki jingtip ba khambniah lah ban phone ha 8787706392 / 8794820308 / 9862205462.
Ka jingpynkup burom ia kine kiba pas ha ki eksamin bapher bapher ka long ban ai mynsiem ba kin nang trei shitom shuh shuh bad kumjuh ruh ban ai mynsiem ia kiwei pat.
