Nongstoiñ, Nailar 1: U MLA ka Nongstoiñ Constituency u Bah Gabriel Wahlang, u la pyntip lyngba ki nongïalam ka Nongstoiñ Assembly Youth Congress (NAYC), ba kan don ka jingpynkup burom ïa ki samla pule kiba la wan shakhmat ha ki eksam ba la pynlong da ka MBOSE, NEHU bad kumjuh ïa kito kiba la pass ïa ka exsam MPSC bad UPSC.
Ki nongïalam ka NAYC bad DYC ba kynthup ïa u Bah Ronal Syiem bad bah Fenderson Lyngdoh Nonglait, ki la pyntip ba katei ka jingpynkup burom kan dei beit tang na ka bynta ki samla pule jong ka Nongstoiñ constituency (MLA bad MDC) bad ka tarik ba khatduh ban pdiang ïa ki kot ki sla kan long ha ka 14-08-2024.
Na ka liang ka NAYC ka kyntu sha baroh ba na ka bynta ki jingtip ba kham bniah lah ban phone ha u 8837455884 bad 9856561074.
