Jowai, Naitung 20: Ka Seng ki Contractor bad ki Supplier kaba la tip kum ka All Jaiñtia Contractor & Supplier Association (AJC&SA) kala khot bad wer ïa baroh ki Contractor bad ki Supplier jong ka Ri-Lum Jaiñtia (East & West) sha ka General Meeting ka ban long haka 26/07/2024 ha District Library Mynthong, Jowai haka por 11 baje mynstep.
Ha kane ka General Meeting yn ïoh ban pynshai paidbah da ki riew shemphang shaphang ka GST, ki nongtrei (Labour) bad kiwei kiwei de ki jingeh kum ki Contractor bad ki supplier ki ïakynduh na ka por sha ka por.
Yn wan ban ïadonlang naduh ki nongïalam ba hakhmat jong ka All Meghalaya Contractor and Supplier Association (AMC&SA) Shillong, kum ka dak ban ai mynsiem lang ïa ki Contractor bad ki Supplier.
Da ka mynsien jong ka jingïatylli khlem da kheiñ ïaka jingïapher haka kam Politic lane ha kino kino ki bynta, la kyrpad ïa ki Contractor bad ki Supplier ba kin wan khnang sha kane ka General Meeting ban pynbha pynmiat shuh shuh ïa ki jingdonkam jong ka seng, la pynkut ka kyrwoh na u Publicity Secretary ma Shanbor Lamare.
