Shillong, Naitung 05: Kum ka dak kaba long donkam, ka Hima Mawphlang ha ka sngi Thohdieng ka la aiti ïa ka No Objection Certificate (NOC) sha u Chief Secretary u Bah DP Wahlang, hadien ba lai snem ka la ïaibteng ka jingïakren halor kane ka kam na ka bynta ban ïoh ban pynkloi ïa ki kam sam um sha ki jaka ka nongbah Shillong bad kiwei ki jaka.
Kane ka rai jong ka Hima Mawphlang ka la plie lad na ka bynta ka jingsdang ban pyntreikam noh ïa ka Greater Shillong Water Supply Phase III project (GSWSP3) hapoh u pud u sam ka Hima Mawphlang.
Kane ka project kan kynthup ïa ka jingtei ïa ka treatment plant bathymmai bad ki kam maramot ha katei ka dam kaba mynta.
U Chief Secretary DP Wahlang u la pynbna ïa kane ha ka X, kaba la pynpaw ïa ka jingjop kaba kongsan ban pynkhlaiñ ïa ka kam sam um sha ka thaiñ jong ka nongbah Shillong bad ki jingshna ba donkam hapoh ka Dam.
