Ban rakhe ka jingdap 3 snem, pynlong ka seng HITO ïa ka jingai sumar ei ïa ki khynnah

Shillong ïaïong, 01: Ban rakhe ïa u mawmer jong ka jingdap 3 snem jong ka seng, mynta ka sngi ka 1 tarik u Ïaiong 2024, ka Seng Hynñiewtrep Integrated Territorial Organization (HITO) ka la pynlong ïa ka jingai jingsumar ei ïa ki khynnah khunswet kiba don ha ka God’s Dream Home ha Pynthorbah.
ïa kane ka jungai jingsumar mynta ka step la plie da u Pastor C. Marbañiang ha ka jingiadon lang ki Doktor, ki Nurse, bad ki nongïalam jong ka seng HITO.
Haba kren ha kane ka sngi na ka liang u President ranghah ka Seng u Bah Donbok Dkhar u la ong, ba ka jingwan ka Seng ban ïadonlang ha kane ka sngi kadei shibynta ban rakhe ïa u mawmer jong ka jingdap 3 snem ba la seng ïa ka.
Ka seng ka la mut ban rakhe ha ka 3 tarik jong mynta u bnai ïaïong hynrei namar ba ka dei ka por long skul bad ka ïatyngkhuh bad ka sngi longskul ki khynnah, kumta ka seng ka la ïadonlang noh mynta ka sngi namar kadei ka sngi shuti kaba ki ong ka “Easter Monday ” kum ka dak ban noh synñiang sha ki khynnah, la bynrap u Bah Donbok.
U Bah Donbok u la bynrap ruh da kaba ong, ba ka jingpynlong ïa kane ka jingai jingsumar ei ïa ki khynnah ka long shibynta ban ïarap ïa ki.