Nongpoh, Rymphang 04: Kiba bun ki paidbah nongleit nongwan mynta ka sngi ki la hap ban mad ïa ka jingsyrtok ha ka leit ka wan, kaba ktah na ka jingdheng ki kali ha ka surok National Highway-6 ha ka thaiñ Khanapara, kaba dei na ka jingwan iuh kjat u Myntri rangbah ka Ri ha Khanapara jong ka jylla Assam.
Kumba la sakhi ki paid nongshong shnong ka Assam ki hajar hajar ki la tuid sh aka madan ha Khanapara, Assam ban sakhi ïa ka jingwan iuh kjat u Narendra Modi, Myntri ranbah ka ri bad kane ka jingpoi ki paidbah da ki hajar hajar ka la wan rah ruh ïa ka jingdheng kali ha ka surokbah, kaba la ktah shisha ha ka leit ka wan jong ki paidbah.
Kumba la ioh lum jingtip, wat ki paidbah kiba wan sha ka jylla Meghalaya ki la shah ktah na ka jingdheng ki kali bad kynthup ruh kito kiba thmu banl leit sha Airport ha Guwhati, namar katei ka jak aba ka Assam ka pynlong ïa ka jingailang bah na ka jingwan u Myntri rangbah kari, u Narendra Modi ka don harud surok ha Khanapara, kaba dei ka khappud Meghalaya bad ka Assam.
La sakhi ruh mynta ka sngi, ki paidbah ba leit ba wan sha Assam ki la hap ban mad ïa ka jingdheng kali naduh ka thaiñ Jorobat shaduh sha Khanapara ha kaba ïa ka surokbah la dap tang da ki Kali paidbah suda bad kynthup ruh kito kiba wan sha katei ka jingïalang ba wan iuh kjat u Narendra Modi, u myntri rangbah ka ri India.
Kaba kahm pynsyrtok shuh shuh ka long na kabynta kito kiba leit jingleit ban poi kyrkieh sha ki jaka ai jingsumar ne sha ki Airport, namar tang ha Khanapara ki sahkut da ki kynta, ha kaba ïa katei ka surokbah la dap da ki kali ba wan shim bynta ki paidbah ban sakhi ïa kane ka jingwan iuh kjat u myntri rangbah ka ri ïa ki paidbah ka jylla Assam.
Shuh shuh, la iohi ruh ba ki bor pulit ka Assam kiba peit ïa ka tnad Traffic ki la shim khia ban pynïaid beit pynïaid ryntih ïaki Kali paidbah ha ka leit ka wan, hynrei namar ba la bun palat ki Kali paidbah kiba tuid sha katei ka jaka ka la wan rah ka jingdheng Kali kaba la ktah lang ïa kiwei ki paidbah nongelit nongwan sha ka jylla Assam.
