Paw ka sap ïalehkai ki khynnah skul ha ka 8th SWKHD Level Inter-School Sports Athletic Meet sha ka sngi baar

Mawkyrwat, Jymmang, 12: Ka ophis jong u District Sports Officer (DSO) jong ka South West Khasi Hills District mynta ka sngi u la ïoh ban bteng biang ïa ka lympung ïalehkai na ka bynta ki khynnah skul kaba la tip kum ka 8th South West Khasi Hills District Level Inter-School Sports Athletic Meet 2022 ba la pynlong ha madan Saitsnad, Mawlangwir, South West Khasi Hills District.
Ha kane ka sngi, la ïoh ban pyndep ïa kiba bun ki jait jingïalehkai ha kaba da ka jingïashimbynta shitrhem jong ki khynnah na ki skul bapher bapher ka la pynlong ïa kane kaba phuh ba phieng watla ka don hapdeng jong ka jingpynthut jong u slap uba jur. Hadien ba la ïoh ban pyndep ïa ki jait jingïalehkai ha ka wat kaba khadduh ne ka final na ka liang ka ophis ka la ïoh ban pyndep ruh ban sam ïa ki katto katne ki khusnam ha kaba u bah S.I. Lasso, Assistant Executive Engineer jong ka PWD (Road), Mawkyrwat Division ha ryngkat u bah Alwin Wanbah, BADO jong ka Mawkyrwat Block ki la long nongïarap ban pynsam ïa ki khusnam.
Ha ka jingïamareh kaba 400m U-18 jong ki kynthei ka Rikmenlang Syiemiong na Jakrem Presbyterian Higher Secondary School ka la ïoh ha ka kyrdan kaba nyngkong, ka Latyngkai Kharlyngdoh na Maharam Government HSSM ha ka kyrdan kaba ar bad ka Wandaboklin Jyrwa na Mawrangkynda GOC Secondary School ha ka kyrdan kaba lai.
Ha ka 1500m U-18 jong ki kynthei, ka Kyntiewshisha Ramsiej na Nativity Higher SSM ka la ïoh ha ka kyrdan kaba nyngkong bud sa ka Phlessila Jyrwa na Jakrem Presbyterian HSS ha ka kyrdan ba ar bad ka Daphishisha Lyngdoh na Tenset Secondary School, Sakwang ha ka kyrdan ba lai. Ha ka 1500m U-18 jong ki shynrang pat, u Biness Kharlyngdoh na Mawrangkynda COG Secondary School u la wan ha ka kyrdan ba nyngkong, u Bynrapbor Kharlyngdoh na Jakrem Presbyterian HSS ha ka kyrdan ba ar bad u Pynshailang Khardewsaw na Maharam Government HSSM ha ka kyrdan ba lai.
Kiba jop ha ka jingïamareh kaba dei 3000m jong ki kynthei 18 snem ki long ka Ibarisha Kharwanniang na ka Jakrem Presbyterian HSS, ba ar ka Jesica Wanniang na ka Nativity Higher SSM, bad ba lai ka Balakyrmenshisha Ramsiej na ka Tenset Secondary School, Sakwang. Kiba dei jong ki khynnah shynrang pat ki long u Obanshan Nongrem na ka Nativity Higher SSM, u Jelmison Ramsiej na ka Sakwang Presbyterian Higher Secondary School bad u Sanborkupar Lyngkhoi na ka Jakrem Presbyterian HSS.
Ka Lyntijingkyrmen Kharjahrin, ka Banrikordor Ramsiej kiba dei na ka Tenset Secondary School, Sakwang bad ka Banrihun Lyngdoh na ka Nativity Higher SSM jong ki kynthei ba 16 snem katba u Neverson Jyrwa na ka Jakrem Presbyterian HSS, u Shemphang Thongni na ka Nativity HSSM bad u Myjelson Ramsiej na ka Sakwang Presbyterian Secondary School ki nongjop kiba dei jong ki shynrang ba 16 snem kine ki long ki nongjop ha ka 2000m.
Ha ka 300m jong ki kynthei kiba 16 snem ki nongjop ki long ka Badaphun Nongrem na ka Nativity HSSM, ka Balarikordor Sohphoh na ka Tenset Secondary School, Sakwang bad ka La-aieikyrhai Jyrwa na ka Rising Secondary School, Sohkhyllam. Nangta jong ki shynrang ba 16 snem ki long u Aiborlang Kharjahrin na ka Tenset Secondary School, Sakwang, u Myjelson Ramsiej na ka Sakwang Presbyterian HSS bad u Baiohbor Thyrniang na ka Nativity Higher SSM.
Ki nongjop ha ka 200m jong ki shynrang ba 18 snem ki long u Batskhemlang Thongnirit, u Wanplilynti Snaitang kiba dei na ka Nativity Higher SSM bad u Vianney Thabah na ka Jakrem Presbyterian HSS, katba jong ki kynthei ba 18 snem pat ki long ka Ibanrisha Kharwanniang, ka Phlessila Jyrwa kiba dei jong ka Jakrem Presbyterian HSS bad ka Shalin Iawphniaw na ka Maharam Government HSSM. La ïoh ruh ban sam ïa ki nongjop ha ka jingïamareh ba 800m jong ki shynrang ba 18 snem kata u Vianney Thabah na ka Jakrem Presbyterian HSS u ba wan ba nyngkong, u Nicarus Sohshang na ka Nativity Higher SSM u ba ar bad u Bhaboklang Lyngdoh na ka Maharam Government HSSM uba wan ba lai.
Nangta ki nongjop ha ka jingmareh ba 100m jong ki kynthei ba 16 snem ki long ka Badaphun Nongrem na ka Nativity Higher SSM, ka Banrishisha Jyrwa na ka Jakrem Presbyterian HSS bad ka Phibanpynkmen Syiem na ka JNV, South West Khasi Hills District. Ki shynrang ba 16 snem pat ki long u Melvin Lyngdoh na ka Nativity Higher SSM, u Waiborlang Syiemlieh na ka Rising Secondary SS, bad u Famousman Wahlang na ka Jakrem Presbyterian HSS.
Ha ka 400m jong ki shynrang ba 18 snem ki long u Wanplilynti Snaitang na ka Nativity Higher SSM uba wan nyngkong, u Riboklang Jyrwa na ka Rising Secondary SS uba ar bad u Bobydelki Hujon na ka Maharam Government HSSM u ba wan ba lai.
Ki nongjop ha ka High Jump jong ki khynnah kynthei U-18 ki long ka Baiashisha Lyngkhoi na ka Jakrem Presbyterian Higher Secondary School (jingkynjang 1.10), ba ar ka Darihun Thongni na ka Nativity Higher SSM (jingkynjang 1.6) bad ba lai ka Lyntimerry Wahlang na ka Jakrem Presbyterian HSS lem bad ka Ilawanlag Snaitang na ka Maharam Government HSSM (jingkynjang 1.5). Ki nongjop ha ka High Jump jong ki khynnah kynthei ba 14 snem ki long ka Nisha Syiemiong (jingkynjang 1.5), ka Afilisha Jyrwa (jingkynjang 1.3) na ka Jakrem Presbyterian HSS bad ka Na-i-sha Kharlyngdoh na ka Nativity Higher SSM bad ka Rosesable Ramsiej na ka Maharam Government HSSM (jingkynjang 1.2).
Shuh shuh ki nongjop ha ka High Jump jong ki kynthei ba 16 snem ki long ka Evanmerry Kharwanniang na ka Jakrem Presbyterian HSS (jingkynjang 1.8), ka Larisha Wahlang na ka Mawrangkynda COG SS (jingkynjang 1.5) bad ka Insan Hamesha Lyngdoh Rngaid na ka Maharam Government HSSM (jingkynjang 1.00).
Ha ka Shot Put jong ki kynthei ba 14 snem ki long ka Isawanbha Nongsiej na ka Nativity Higher SSM (jingjngai 6.42), ka Phibanjop Lyngkhoi na ka JNV, South West Khasi Hills District (jingjngai 6.07) bad ka Resheltiful Lyngdoh Marshilong na ka Nativity Higher SSM (jingjngai 6.00). Nangta, jong ki kynthei ba 16 snem pat ki long ka Jessica Thongni na ka Nativity Higher SSM (jingjngai 6.11) ha kyrdan kaba nyngkong, ka Julita Kharsyiemiong na ka Jakrem Presbyterian HSS (jingjngai 6.01) ha ka kyrdang ba ar bad ha ka kyrdang ba lai pat ka Badashisha Nongrem na ka Nonglang Secondary School (jingjngai 5.90).
Ha ka Shot Put jong ki kynthei ba 18 snem ki long ka Wanrisha Kharsyiemiong na ka Jakrem Presbyterian HSS (jingjngai 6.17), ka Walarisha Lyngkhoi (jingjngai 6.07) bad ka Gracy Mary Nongrem (jingjngai 6.06) kine ki dei na ka Sakwang Presbyterian HSS. Ha ka Shot Put jong ki shynrang ba 14 snem ki long u Jobatstar Kharlyngdoh na ka Mawrangkynda COG Secondary School, u Envilsisjohn Thongni na ka Nativity Higher SSM bad u Hubert Jyrwa na ka Jakrem Presbyterian HSS.
Ha ka Javelin Throw jong ki shynrang kiba 16 snem ki long uba wan ba nyngkong u dei u Banjoplang Sohshang na ka Nativity Higher SSM (jingjngai 26.54), u ba wan ba ar u dei Pynskhemborlang Syiemlieh (jingjngai 23.36) bad ba lai u Ardyneal Kharwanniang (jingjngai 19.98) kine ki dei na ka Jakrem Presbyterian HSS. Nangta, kiba dei jong ki shynrang 18 snem ki long u Damanborlang Iawphniaw na ka Nativity Higher SSM, u Kebinson Wanniang bad u Nangshanskhem Shangdiar kine ki dei jong ka Maharam Government HSS.
Ha ka Discuss Throw U-18 Boys u Gideon Lyngdoh Marshillong na Nativity Higher SSM u la ïoh ha ka kyrdan kaba nyngkong, u Banteilang Kharlyngdoh na Jakrem Presbyterian HSS ha ka kyrdan ba ar bud da u Kebinson Wanniang na Maharam Government HSSM ha ka kyrdan kaba lai. Jong ki kynthei ba 16 snem pat ki long ka Teihunshisha Nongrem na ka Sakwang Presbyterian HSS, ka Saphitobet Sohphoh na ka Tenset Secondary School, Sakwang bad ka Iamonlang Kharsyiemlieh na ka Nativity Higher SSM, katba ki nongjop jong ki shynrang ba 16 snem ki long u Rishanlang Sohphoh na ka Tenset Secondary School, Sakwang, u Synranlang Jyrwa na ka Jakrem Presbyterian Higher Secondary School bad u Bankerlang Kharjahrin na ka Nativity Higher SSM.
Nangta ha ka Long Jump U-14 jong ki shynrang, u Jobatstar Kharlyngdoh na Mawrangkynda GOC Secondary School u la ïoh ïa ka kyrdan kaba nyngkong bud da u Pyrkhatlang Nongsiej na JNV, South West Khasi Hills District ha ka kyrdan kaba ar bad u Thymmaibor Syiemlieh na Rising Secondary School, Sohkhyllam ha ka kyrdan kaba lai. Ha ka Long Jump U-14 jong ki kynthei, ka Latympang Lyngdoh Marshilong ka la wan ha ka kyrdan ba nyngkong, ka Samanbha Nongsiej ka wan ba ar baroh ar ngut na Nativity Higher SSM bad ka Saphishisha Marweiñ na Maharam Government HSSM ha ka kyrdan kaba lai.
Ha ka Long-jump jong ki kynthei ba 18 snem ki long ka Juncymery Jyrwa na ka Rising Secondary SS (jingjngai 3.66), ka Iaioh-dianghun Kharjahrin na ka Sakwang Presbyterian HSS (jingjngai 3.21) bad ka Baiashisha Lyngkhoi na ka Jakrem Presbyterian HSS (jingjngai 3.05).