Shillong, Risaw 03: Ka lympung ïalehkai jong ka SSA SRGT 3rd DIVISION Football League 2023 kaba la long hynne ka Sngi Hat Majai ha madan 3rd Ground, MFA Turf Polo.
Ka jingïalehkai kaba la long hapdeng ka Umlyngka SC pyrshah ïa ka Lapalang SC ka la jam sha kaba kut ha kaba ka Umlyngka ka la khylliap ïa ka jingïakhun da ka namjop lyngba ki ar kol.
Ka Umlyngka SC ka la ïoh ban pynkhihjar nyngkong dei ynda la jam sha ka 56 minit jong ka kylla kaba ar kaba la thep da u Jolly Hynñiewta.
Hadien kumba saw minit ka kynhun ka la ïoh pat ban pynbud sa ïa ka kol kaba ar, ïa kaba la thep da u Chesterfield Makroh (60 minit).
Lyngba kane ka kol, ka la pynthina syndon ïa ka Umlyngka ban khur ïa ka namjop bad na ka liang jong ka Lapalang SC kam shym la ïoh ban pynphai wat tang shi kol.
Ka jingïalehkai mynta ka sngi kan long ha ka por 4:45 baje janmiet hapdeng ka Nongkseh SC pyrshah ïa ka Mawshbuit SC.
