Shillong, Risaw 02: Ka Myntri ka Koit ka Khiah ka Kong Ampareen Lyngdoh mynta ka Lah Sngi U Blei, ka la leit ban jngoh ïa ki briew kiba mynsaw na ka jingbthei kaba mih ha kawei ka kudam ha Keating Road.
Lai ngut ki nongshong shnong ka Barpeta, Assam ki la mynsaw na ka jingpdung ding ba 10 haduh 40 % ka met, ong ka Myntri.
Na kine kiba mynsaw, uwei u nongpang ula kham pdung bun bad la pynkit noh ïa u sha Guwahati hynnin hi ka sngi bad arngut pat la phah sha Barpeta mynta ka janmiet, ka laiathuh.
“Ki 2 ngut kiba shitom bad ba don ha Shillong Civil Hospital ki la kham biang ban pynkit noh sha ki jaka sumar ba kham paka bad sha la shnong” kala bynrap.
