Ha ka taïew ban wan yn khot ka Sorkar ïa ka HPC ban ïa pynbeit khatduh ïa ka kam Them Metor

Shillong, Nailur 29 : Ka Sorkar Jylla ka lah ban khot ha ka taiew ban wan ïa ka Harijan Panchayat Committee (HPC) haba ïadei bad ka blueprint ba la pynkhreh da ka Sorkar ha ka ban pynkynriah noh ïa ki 342 tylli ki longïing na Them Metor, Them Iew Mawlong.
U Symbud Myntri Rangbah ba khmih ïa ka tnad Pynroi Sor u Ma Sniawbhalang Dhar ula pyntip sha ki nongthoh khubor hynne ka sngi Thohdieng ba ka jingpynkhreh ban pynkynriah noh ïa ki longïing ka la poi ha ka khep ba khatduh namar ïa ka blueprint la dep ban pynkhreh.
Haba kylli halor ka jingkyrpad ka HPC ban ai jaka shuh shuh na ka blueprint ka Sorkar, u Ma Sniawbha ula ong ba kum kine ki jingdawa kim dei satia shibynta jong ka lynti ban pynbeit. Ula bynrap ba lada mih kino kino ki jingkylla hadien ka jingïakren, ka Sorkar kan sa shong bishar ïa ki.
Halor ka hukum ka ïing bishar kaba pynpaw ïa ka jingsngewkhia halor ka jingslem ban pynbeit ïa ka kam Them Metor, u Bah Sniawbha ula kular ba ka Sorkar ka la pyrshang katba lah ban pynbeit noh ïa kane ka kam hashuwa ban kut une u snem.