Jowai, Nailar 30: Ka jingïalehkai phutbol bala tip kum ka 6th Debo Shullai Memorial Trophy jong ka kyrdan 2nd Division Football Tournament 2023 bala pynïaid da ka West Jaiñtia District Sports Association (WJDSA) kaba la long mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun kaba nyngkong ka Lumpariat kala lah ban pynliem da 2-0 kol ïa ka Dongmihsngi, ïa ki kol na ka Lumpariat la thep da u P. Marboh haka minit ba 25 bad u Rihok Chyrmang haka minit ba 80+2.
Katba ha ka jingïakhun kaba ar ka Chutwakhu kala pynliem da 1-0 kol ïa ka West Madan Mustem, ïa katei ka shikol na ka Chutwakhu la kum thep bakla da u Rilangki Lyngdoh (own goal) haka minit ba 67.
Ka jingïakhun lashai ka sngi 31 tarik u Nailar kan long hapdeng ka NSA pyrshah ïa ka Mooknor Thadmuthlong haka por 12 baje mynsngi, katba ka Lion SC kan ïakhun pyrshah ïa ka Chilliangraij haka por 2 baje nohphai sngi.
