Jowai, Naitung 23: Ka lympung ïalehkai phutbol Independence Day Cub Under-17 Football Tournament 2023 bala pynïaid da ka West Jaiñtia District Sports Association (WJDSA) kaba la long ha kane ka sngi siatjaiñ ha madan Kiang Nangbah Stadium, Dongmihsngi Jowai.
Haba phai sha ka jingïakhun ka Mukhla Raij kala lah ban pynliem da 1-0 kol ïa ka Evergreen Mukhla, ïa ka shikol na ka Mukhla Raij la thep da u Sanga Sumer haka minit kaba 60+1.
Katba ha ka jingïakhun kaba ar kila poi noh sha ka jingïakhaid khlem da don kiba thep kol, hadpeng ka Dulong pyrshah ïa ka Mulang Ialong.
Ka jingïakhun mynta ka sngi nyngkong 24 tarik kan long hapdeng ka Lumpariat pyrshah ïa ka Luti Tuber Ialong haka por 1 baje shiteng nohphai sngi, katba ka Tpep-Pale kan ïakhun pyrshah ïaka Mooknor Thadmuthlong haka por 3 baje nohphai sngi.
