Shillong, Naitung: Ka ASICS, kaba long ka kompeni ba paw ha Japan ha ka jingpynmih ïa ki tiar ki tar na ka bynta ki kam ïalehkai sports ka la thung ïa ka khlur ak phlim ka Bollywood ka Shraddha Kapoor kum ka nongai ktien na ka bynta ka ASICS India.
Da kane ka jingïatehlok, ka ASICS India ka ïai bteng ban pynkhlaiñ ïa ka jingtreikam jong ka kata ka ‘Sound Mind’ ne ka Jingmut jingpyrkhat ba skhem bad ba khlaiñ, ‘Sound Body’ ne ka met ka phad kaba khlaiñ bad bakoit bakhiah krat bad ban pynlong ïa ka kyrteng jong kane ka kompeni kawei na ki kyrteng kaba paw hapdeng ki kynthei kiba ieid ban lehkai kilan met ha India.
Yn sa lah ban ïohi ïa kane ka khlur ak phlim ba kan ïalap shaphang ki juti bad ki jaiñphong ïalehkai na ka bynta ki kynthei. “Ka ASICS India kan sa nang pynkhlaiñ ïa ka jingdon jong ha ki ïew ryngkat ka jingpyrshang ban poi sha ka jingïohi jngai jong ka bad kata ka long ban wanrah ïa ka jingpynïa ryngkat lang ïa ka jingim kaba khih ba ksar bad ha kajuh ka por ban pyntikna ba ka jingsuk bad jingaram ïa ki briew da kaba phong ïa kine ki jaiñ ki nep bad ki juti ba la pynmih da kane ka kompeni.
La ju tip ïa ka ASICS, kum kawei na ki shlem kaba trei radbah ha ka rukom treikam bad ha ki jingpynmih ïa ki buit treikam thymmai, ka la lah ban pynmih ïa ki tiar ki tar bad ki mar ki mata kiba bha kaba lah ban pynbiang ïa ka jingdonkam jong ki nongïalehkai sport bad kito kiba kilan met ha kylleng ka pyrthei.
Ka jingtbit jong ka Shraddha Kapoor ha ki kam ak phlim ka ïahap bha bad ki kam ba ka ASICS India ka trei bad kata ka long ban sumar ïa ka jingmut jingpyrkhat bad ka met ka phad, bad ka la pynlong ïa ka kaba bit ba biang na ka bynta kane kane ka kompeni.
Kane ka khlur ak phlim ka Shraddha Kapoor ka la ong, “Nga khmih lynti ban ïadon bynta ha kane ka jingïatehlok bad ïoh ban leh shibun kiei kiei ki kam ba bha ryngkat bad ka kynhun. Ka ASICS, kadei ka kompany kaba paw bha ha ka jingpynmih ïa ki jaiñ ki nep bad ki juti ban phong na ka bynta ki kam ïalehka sport, bad ka jingthmu ba ha khmat eh ka long ba ki nongphong kin suk bad aram haba ki phong ne pyndonkam ïa ki.”
Da ka jingdon jong ki 880 tylli ki dukan ha India, ka jingthmu jong ka ASICS India ka long ba kan dei ka kompeni kaba ki nong mareh bad ki nongïalehkai sport kin jied ban pyndon kam, da kaba wanrah ïa ki jaiñphong ïalehkai bad ki juti ïalehkai kiba bha tam na ka bynta ki jingdonkam bapher bapher, kynthup naduh ban mareh bad ban pyntbit ha ki kam ïalehkai.
