Shillong, Naitung, 12: Ka North Eastern Hills Univerity Teachers Assocation (NEHUTA) ka la pyntip ba kan sa pynlong ïa ka Peace March ha ka 14 tarik mynta u bnai ban dawa ïa ka Sorkar Pdeng ba kan wanrah biang ïa ka shongsuk shongsaiñ ha ka Jylla Manipur kaba la mad ïa ka jingïaumsnam kaba shyrkhei.
Katkum u kyrwoh ba la phah da u President u Prof. Lakhon Kma, kane ka Peace March kan sdang ha ka por 3:00 baje nohphai sngi na Central Library ha kaba yn ïaid pyllun ïa ka phyllaw jong ka skulbah bad yn sa pynkut da ka jingïalang ha hajan Central Library.
Ka NEHUTA ka khot bad wer ïa baroh ban ïashim bynta lang ha kane ka sngi.
