Wanrah ka Vi Business #Ready ForNext 2.0 ban ïarap ban pynkhlaiñ shuh shuh ïa ki MSME

Shillong, Jylliew : Ki kam ki jingtrei kiba hap ha ka thup jong ki kam kiba rit, kiba pdeng bad kiba kham heh ne ki MSME ki noh synñiang kumba kawei na ka lai bynta sha ka ïoh ka ïoh jong ka ri bad ki long kiba donkam bha ban pynurlong ïa ka thong jong ka Atmanirbhar Bharat.
Ka sorkar ka la kdew ba ki jingeh kiba ha khmat eh ha kaba ïadei bad ki MSME ka long ka jingpynkylla ïa ki kam ki jam sha ka jingtreikam lyngba ki digital. Ka Vi Business, kaba long ka shnat ba peit ïa ka jingleh ïa ki khaïi pateng jong ka Vodafone Idea, ka la smai ba kan wanrah ïa ka digitalization na ka bynta ka jingkiew jong ki kam ha ki liang baroh.
Hadien ba la pyndep ban leh ïa ka jingbishar bniah ïa ka long ka man jong ki kam kiba ïadei bad ka MSME jong ka India, haba la ïoh ïa ka jubab na kumba 1 lak ngut ki nong jubab na ki 16 tylli ki karkhana ne industries ha kylleng ka ri – Ka Vi Business ka la pynpaw ïa ka jinglong la kloi ban pynkylla digital noh ïa ki MSME.
Kane ka jingwad bniah ka long ban sngewthuh ïa ka jingskhem ha ka rukom pyndonkam ïa ka digital ha ki MSME ha ki 16 tylli ki industries ne ki karkhana, ba kynthup ha ki kam media ne lad pathai, entertainment ne ki karkhana ba pynmih ïa ki rynsan pynbyrngia, ki karkhana pynmih tiar, IT, ki shnat pule, ki kam kiba ïadei bad ka jingpynbiang ïa ki jingdonkam, ki bank, ki karkhana kiba ïadei bad ki kam tei jingtei bad ki kam kiba ïadei bad ka jingtih mar poh khyndew.
Haba kren shaphang ka prokram U Arvind Nevatia, Chief Enterprise Business Officer, Vodafone Idea u ong “Ka jingtreikam ba pur jong ngi na ka bynta ban wanrah ïa ki lad ki lynti ki long kiba la saiñdur bad na ka bynta ban wanrah ïa ki jingmyntoi bad jingioh nong, ban lah ban nang pynïar kumno ban pynïasoh bad ki nongthied bad ka jingshngaiñ na ka bynta ki MSME ha kane ka juk Digital ba mynta.” “Da ka jingpyllait paidbah ïa ka 360 degree #ReadyForNext 2.0 prokram ka ba kynthup ïa ka – 1) Jingïoh jingmut lyngba ka ‘Unlocking MSME Growth Insights’ 2023; 2) Ka jingkyntiew ïa ka rukom treikam jong ka Digital Self Evaluation ban ïarap ïa ki MSME ban pyndonkam ïa ki buit stad teknology; bad 3) Ki jingtyrwa ba kyrpang jong ka MSME ban ïarap na ka bynta ban kyntiew ïa ki kam Vi Business unveils #ReadyForNext 2.0 Vi Business unveils #ReadyForNext 2.0 – ka Vi Business ka la ïaleh katba lah ban nang kham pynkhlaiñ shuh shuh ïa kane ka kam ha kane liang.