Da ka National Workshop pynlong ka Sankardev College halor ka National Education Policy

Shillong, Jylliew 14 : Ka Sankardev College Shillong ha ka 13 bad 14 tarik ka la pynlong ïa ka National Workshop ba kyrpang ha ka 13 bad 14 tarik u Jylliew, 2023 halor ka jingthmu ban pynkhreh ban pyntreikam pura ïa ka National Education Policy 2020 jong ka Sorkar India hapoh ka jylla.
Ha kane ka Workshop kaba arsngi kynthih la wan ïa shim bynta da ki nonghikai skul bapher bapher na kumba 100 tam ki skul naman ki district jong ka jylla Meghalaya. La shimkhia bad pynïaid ïa kane ka Workshop da ka IQAC, ka English bad History Department jongka College ha ryngkat ka jingïatreilang bad ka SamagraShiksha-State Education Mission Authority of Meghalaya, Education Department.
Kane ka Workshop ka long kum shibynta ban pynkhreh janai ïa kata kaba la tip kum ka “G20 Janbhagidari Events on ‘The Implementation of NEP 2020 with Special emphasis on the Foundational Literary & Numeracy under NIPUN-Meghalaya”. La wan ban plie ïa kane ka National Workshop da u Myntri ka sorkar Jylla Bah Paul Lyngdoh, ki riewstad riewshemphang napoh ka jylla bad na kylleng ka Ri India, ka Principal bad ki Nonghikai jong ka College hi baroh kawei.
Haba kren ha kane ka sngi, ka Principal jong ka College, Dr.E Lyngdoh ka la ai ïa ka jingkren pdiang sngewbha bad Dr.Rapmebantei Kharkongor, Assistant professor, Department of English, kum i Convener bad maitphang halor katei ka workshop, katba u Prof. MS Warjri, IQAC Coordinator u la ai ïa ki kyntien khublei.
Kiwei pat ki ba ïa don lang ha kane ka jingialang ki long katto katne ki Principal jong ki college bad ki skul, kumjuh ruh ki nonghikai na ki skul bapher bapher jong ka jylla.
Ka jingthmu jong kane ka workshop ka long ban plie ïa ka rynsan jong ki nong iadon bynta ha ka ban ia thir jingmut halor ki jingmyntoi bad ki jingeh halor ka nongrim jong ka NEP 2020.
Ki riewshemphang kiba la shah khot sngewbha ha kane ka workshop ki kynthup naduh u Professor Laxmidhar Behera, Head, Department of Education, Regional Institute of Education, NCERT, Odisha, Prof. C. Nongbri, Department of Education, NEHU Shillong, Dr.(Mrs) Balaiada R. Dkhar, Professor in Education and Dean (R), Department of Extension Education, NERIE NCERT, Shillong, Dr. (Mrs.) Bahunlang Tron, Assistant professor, CTE (PGT), Shillong, Prof. Sandhya Sahoo, Professor of English, Head, DESSH, & Dean (I), Regional Institute of Education, NCERT Bhubaneswar Prof.Nityananda Pradhan, Professor of Education, Department of Education, NERIE NCERT, Shillong, Dr PrachiGhildyal, Assistant Professor of Psychology, Department of Education, NERIE, NCERT, Shillong bad i Dr. W. Nikhila Associate professor DIET, Nongstoiñ.
Ki nongpynïaid ïa ka sienshong ba nyngkong ki kynthup ïa i Prof. MS Warjri, IQAC Coordinator, Sankardev College Shillong, Dr.Euodia B. Myrthong, Assistant Professor Department of Education, NEHU, Shillong bad i Dr (Mrs.) Mary Anne Jyrwa, Associate Professor bad i Principal in-charge, CTE (PGT) Shillong.