Lahduh u Sharath Kamal, Sreeja Akula, Sourav Saha/Wesley Do Rosaria bad Sreeja Akula/Ayhika Mukherjee

Shillong, Ïaïong 25: Ka lympung ïalehkai table tennis bala tip kum ka 83rd Senior National Table Tennis Championship kala poi noh sha kaba kut ha ka sngi Nyngkong ha Indoor Stadium jong ka SAI kaba don ha NEHU, Shillong.
Ha kane ka lympung u Sharath Kamal, Sreeja Akula kila long ki lahduh ha ka jingïalehkai ba para marwei (men’s & Women’s Singles) katba u Sourav Saha-Wesley Do Rosaria bad ka Sreeja Akula- Ayhika Mukherjee kila long ki lahduh ha ka ïalehkai ba mar arngut (Men’s & Women’s Doubles).
U Sharath Kamal u la khur ïa ka nam lahduh hadien ba u la pynliem noh ïa u G Sathiyan da 7-11, 12-10, 9-11, 7-11, 12-10, 11-9, 11-6 bad baroh arngut kidei jong ka kynhun PSPB katba ka Sreeja Akula jong ka RBI kala pynliem noh da 11-8, 11-13, 12-10, 11-8, 11-6 pyrshah ïa ka Mouma Das jong ka PSPB).
Ha ka ïalehkai ba mar arngut, u Sourav Saha bad Wesley Do Rosaria jong ka Haryana kila khur ïa ka nam lahduh da kaba pynliem da 11-5, 4-11, 11-9, 7-11, 11-8 pyrshah ïala ki para kynhun (Haryana) u Soumyajit Ghosh/ bad ubin Kumar. Katba ha ka liang ka ïalehkai ba mar arngut jong ki kynthei, ka Sreeja Akula bad Ayhika Mukherjee jong ka RBI kila khur ïa ka nam lahduh da kaba pynliem noh ïa ki arngut ki thei ka RSPB ka Sarkar bad Prapti Sen da 3-11, 11-9, 11-5, 12-10
“Kaba shiphew barobor kadei kaba kyrpang, bad nga da sngewkmen ha kane ka khyllipmat ba nga la khur ïa ka nam lahduh kaba nyngkong eh,” ong u Sharath. Haba jubab ïa ka jingkylli u Sharath u la ong, “Ïa ka record lah ban pynkheiñ hynrei kan shim por kumba kala jia long na bynta jong nga ha kaba nga la pynkheiñ phra sien ïa ka national record jong u Kamlesh Mehta.”
As for the game plan, he kept it simple. Despite conceding a 3-1 lead to Sathiyan, Sharath had the tenacity and the calmness to overcome Sathiyan, point by point. Once he levelled 3-3 and surged into a 4-0 lead in the decider, the match went only one way. With the crowd fully behind him, Sharath didn’t get unduly hassled even after Sathiyan restored parity at 4-4 and 5-all. After that, he allowed just one point to his rival and went from strength to strength.
“Ka jingphohsniew kala wan urlong shisha na bynta jong nga, bad ka jingkilan met kaba neh slem bha ha Chennai (ha ryngkat u Sharath, Manav Thakkar nalor kiwei) kala wanrah ïa u soh jong ka jingjo,” ong ka Sreeja Akula, kaba dei ruh ka thei khur takma Rnong ha ka WTT ha Doha.
Ha kane ka sngi pynhap pyrda la wan ban sakhi lang da u Myntri Rangbah ka Jylla u Conrad K Sangma bad ka Justice Gita Mittal, kaba dei ka chairperson jong ka Committee of Administrators (CoA).
Ka Justice Mittal kala aiti ïa ka D Vishwa Trophy ha u Diya Chitale, kum ka jingpynsah kynmaw ïa u rangïalehkai kynsai ka Tamil Naduh u Vishwa Deenadayalan uba la khlad noh na kane ka sla pyrthei ha ka jingjia tyngkhuh kali ha Shangbala, Ri-Bhoi.
Na ka liang ka Justice Mittal kala ai ka jingïaroh ïa ka Meghalaya Table Tennis Association kaba la pynlong ïa kane ka lympung ïalehkai table tennis bad jied ban pynlong ha SAI kaban long ruh kawei na ki ktem kaban ai jinghikai ïa ki nongïalehkai jong ka ri India hi baroh kawei. Kala ai khublei ruh ïa sorkar jylla hapoh ka jingïalam u Myntri Rangbah kaba la ai ka jingkyrshan ïa ka MTTA ba kala lah ban pynlong ïa kane ka lympung ïalehkai national.
U Conrad K Sangma haba ai jingkren u la kynmaw burom ruh ïa u Vishwa bad u phah ka kyrwoh sngewlem sha kiba haïing hasem ba kin ïoh ka jingpyntngen ha kaba kum kane ka khyllipmat bad kmju ruh ïa baroh ki nongïalehkai table tennis. U la ai khublei ïa ka MTTA ba watla hapdeng ka por kaba lyngkot eh hynrei kaba la lah ban pynlong ïa kane ka lympung kaba ïaid beit ïaid ryntih.