Plie ka KSU Mawïawet Unit ïa ka 1st Rishot S Kharbani Memorial knock out Football Tournament 2022
Shillong, Ïaïong 19: U (L) Rishot Kharbani, GS barim KSU WKHD u ba duna ka nia hynrei u la heh ia ki kam kiba iar bha ha ka imlang sahlang
Ka Khasi Students’ Union Mawiawet Unit ha ka 14tarik, Ïaïong 2022 ka la ïoh ban plie pyrda ïa ka jingialehkai football ba la tip kum ka 1st Rishot S. Kharbani Memorial Knock Out Football Tournament 2022, kum shi bynta ban kynmaw burom ïaka lyngkhuh dap shi snem ka jingkhlad noh jong u samla Rishotskhembor Kharbani (bam kwai ha dwar u Blei), u nongïalam barim bad ba shitrhem ka seng u ba bat kum u General Secretary, KSU WKHD.
Ha katei ka sngi u samla, Johnfisher Nongsiang President ka KSU West Khasi Hills District u la long kum u kongsan, ha ryngkat ka jingiadon ryngkat u Samla Wanbhakupar L Nonglait Organising Secretary KSU ka West Khasi Hills District kum u symbud kongsan bad ki ki bahaïing hasem jong u samla (L) Rishot S Kharbani, ki nongialam shnong ki riew rangbah bad ki dkhot bad kiwei dei ki nongialam na ki Unit ki Circle bapher bapher ka seng KSU.
Ha katei ka sngi na ka liang u Samla Johnfisher Nongsiang u la pynpaw ba kum ka seng watla ngi la duh noh ïa uwei na ki nongïalam u ba la len lade bad u ba latrei shitrhem na ka bynta ka ri bad ka jaitbynriew hynrei kum ka seng kim lah ban lehklet noh hynrei ka seng kan ïai pyrto shijunom, shuh shuh u la pynpaw ba u samla Rishot u long u briew u ieit ïa ki kam sport, bad u Samla Rishot u long u bym ju heh ka nia hynrei ki kam ki kam jong u ki long kiba ïar bha, khatduh na ka liang u president ka KSU WKHD u la pynpaw ba u samla Rishot u im ha ka rta kaba khyndiat hynrei u lah leh ïa shibun bha ki synñiang ki bynhei na bynta ka imlang ka sahlang.
Ha katei ka jingïalang ba lyngkot jong ka seng, la ïoh ruh ïa ka jingkren na u sordar jong ka shnong Mawïawet u bala kyrkhu kyrdoh ïa seng ba kan nang ïai lah ban shakri kham bha ïa ka shnong ka thaw bad ïa ka ri bad ka jaitbynriew baroh kawei, bad kumjuh ruh ïa kane ka tournament ba kan nang ïaid shaphrang ha ka jingiphuh iphieng bad seisoh na bynta ki samla kiba wan ïashim bynta.