Shillong, Ïaïong 17: Ka jingïakhun hapdeng ka Imson SC bad Smit SC ha ka lymoung ïalehkai First Division Football League jong ka Shillong Sports Association (SSA) ha ka sngi Saitjaiñ kala kut noh khlem da ïoh ban ïathep kol, ha kaba kitei ki ar tylli ki kynhun kila hap ban shu ïasam mar shi point.
Haba phai sha ka jingïakhun baroh ar tylli ki team kila ïakhun tyngeh naduh kaba sdang, hynrei sepei haduh kaba kut jong ka jingïalehkai ki khlem lah ban pynrung ïa kiba bun ki kabu ba kila ïoh.
Lyngba da kane ka jingïakhaid, ka Imson SC haduh mynta ka kamai 1 point na ki sawsien ïakhun, katba ka Smit SC kaba la shah rem ha baroh sawsien ïakhun ka kamai 1 point bad don ha trai duh na ka miej kheiñ point.
