Shillong, Ïaïong 16 : Ka All India Trinamool Congress kawei na ki party ba dang shu mih thymmai ha ka jylla ha ka sngi Saitjaiñ ka la leit ban pynïar ïa ka tnad treikam jong ka ha Sohïong, ka constituency kaba mihkhmat da u Bah Samlin Malngiang, MLA jong ka HSPDP.
Ha katei ka jingïalang ban pynskhem ïa ki nongïalam ba thymmai jong ka TMC Sohïong la wan ban donlang naduh u Vice President ka TMC Meghalaya, Bah James Lyngdoh nalor kiwei kiwei ki nongkitkamba kynthup ïa u Bansharai Pyngrope, President, Trinamool Student Congress, Meghalaya, Ïohdorlang Diengdoh, President ka Sohra Block Trinamool Congress nangta u Macmillan Kharbani President, Nongstoin Block Trinamool Congress bad kiwei kiwei.
Ha kane ka sngi la jied ruh ïa u Bah Stodingstar Thabah kum u President bad ïa u Bah Dinestar Rani kum u General Secretary. Haba kren ha katei ka jingïalang u Bah Stoding u la pyntip ba mynta ka jingpynkhreh na ka bynta ban tei ïa ka kut ba skhem jong ka TMC ha Sohïong ka la ïaid shaid shaid. “Ngi la kynduh ïa ki paidbah, ki nongïalam jongngi bad ruh bna ïa syllok bad ki nongshong shnong ban pynsngewthuh ïa ki ïa ka nongrim bad ka mat treikam jong ka TMC,” u la ong.
U Bah James ha ka jingkren jong u, u la kyntu ïa katei ka kynhun ba thymmai ba kan trei borbah na ka bynta ban pynsngewthuh bad ban pynngam ïa ka nongrim jong ka seng ha ki shnong ki thaw kiba don ha katei ka constituency.
La ïoh ruh ïa ka jingkren na u samla Bansharai kumjuh ruh na u samla Ïohdorlang.
