Jowai, Rymphang 12: Ka Shnong Nangbah West Jaiñtia Hills District kala pynbna paidbah ha kaba ïadei bad ka jingwan ïalap Election MLA 2023 hapoh ka shnong da kino kino ki kyrtong bad ki kynhun seng hima sima.
Na ka liang ka shnong kala khang pyrshah ïa uno uno u kyrtong ban wanrah paidbah nabar ka shnong ha ka por ba pynlong jingïalang hapoh ka shnong, na ka bynta ki kali ba synran la shah ïa u kyrtong ban wan rah tang hapoh 7 tylli ki kali rit. La bthah ïa ki kyrtong ban kin pynlong jingïalang tang shi sien hapoh ka shnong.
Halor kine ki jingmana ka Shnong Nangbah kala pyntip kino kino kiba pynkhieñ ïa ki kyndon ki lah ban shah pynshitom katkum ki kyndon aiñ jong ka shnong.
