Nongstoiñ, Ïaiong 13: U National President jong ka National People’s Party (NPP), u Conrad K Sangma myn ha ka 12 tarik mynta u bnai, u la ïoh ban thung ïa u MLA jong ka Nongstoiñ u Bah Macmillan Byrsat kum u Chairman jong ka State Disciplinary Committee (SDC) jong ka party NPP hapoh ka jylla Meghalaya.
U Bah Macmillan Byrsat u ba long ha kajuh ka por u District President jong ka NPP hapoh West Khasi Hills, u la ïoh ïa ka jingmynjur ban long u Chairman ïa katei ka Committee ha ka jingïa mynjur lang da ka National Committee kaba la long ha ka 15 tarik u Lber 2022.
Nalor u Bah Macmillan Byrsat la ïoh ruh ban jied sa saw ngut kiwei pat kiba kynthup ïa ar ngut ki MDC kiba kynthup ïa u Aldo A Sangma, Toto Lamin katba ar ngut kiwei pat ki kynthup ïa u Kitboklang Nongrem, President ka State Youth Wing bad ïa u Dabo Marak, Working President ka State Youth Wing.
