Nongstoin, Nohprah 15: Iwei I heprit I la duhei ia la ka jingim katba I dang ialehkai para khynnah ha la phyllaw iing mynta ka sngi ha ka por kumba 9 baje ei ei mynstep.
La ong ba itei I heprit I dei iba la tip kyrteng kum ka Lenisha Nongkhar 2 snem ka rta iba dei I khun Tasiana Nongkhar bad u bah Kardius Syiemlieh kiba shong ba sah ha ka shnong Siejlieh, Nongstoin West Khasi Hills District.
Katkum ka jinglum jingtip la ioh jingtip ba itei I heprit I la kum hap ha kawei ka thliew painkhana kaba dang tih thymmai bad kaba la dap da ka um hynrei ki nongtih ia katei ka thliew ki la tap bha da ki tin ban lait na ki jingmynsaw pynban mynne mynstep ki la leit biang ban bteng ka jingtih pyndep ia katei ka thliew bad ki la khlied noh ia ki tien pynban dei ha ka por katba ki dang leit dihsha shuwa ban bteng ia la ka kam kynsan kynsan la ioh jingtip b aka la jia katei ka jingjia kaba sngewsih katba ki dang don ha ka dukan
