Ha ka jubab RTI paw ba la pyntrei ïa ka Smart City Project, ki kam khlem ïohi dak satia : Disparsing
Shillong, Nohprah 14: U Bah Disparsing Rani ha ka sngi Balang u la ïathuh ba kat kum ka jingïathuh ba kat kum ka jingtip kaba u la ïoh lyngba ka RTI ba u la pan na ka Meghalaya Urban Development Authority (MUDA) halor ka mang tyngka kaba la ïoh na bynta ka jingpyntrei ïa ka Shillong Smart City Projeck ka long kumba 638.78 klur na bynta ki jingpyntrei ïa ki 11 tylli ki projek bad ka jingïaid ka jingpyntrei ka la kynjoh kumba 31.20% bad na ka liang ka sorkar pdeng ka la pyllait ïa ka pisa kaba kot 245 klur hynrei katba ka jingpyntrei pat kam pat paw dak satia kumba la kam ha ka RTI.
Haba kren sha ki lad pathai khubor, u la ong ba ki 11 tylli ki kam kiba la ïoh ka mang pisa na bynta kane ka jingpyntrei na ka tnat Ministry of Housing, Govt of India ki long, ka jingpyntrei ïa ka Smart road ba 6 KM, ka jaka pynïeng kali ha Motphran, Waste Water treatment Plant, Ka jingkynshew umslap, Commercial Complex ha Polo, Fire Safety, Development of tourism cum cultural Center, Ka jingtei bad jingpynbha ïa ka ïew Municipal Market Laitumkhrah, ka jingpynbha ïa ki jaka pynïeng kali ha Shillong, ka jingpyntrei ïa ka ICCC bad ka Traffic Awareness ïa ki khynnah skul ha ki jaka pule jong ki.
U la ong ba na kitei ki projek kiba la ïohi ba ki don ki jingpyntrei ne ba ji kam ki la paw dak ka dei tang ka jingpynbha ïa ki jaka ïeng kali, ka jingtei ïa ka Commercial Complex ha Polo hynrei katba kiwei pat ym pat ïohi dak eiei.
“31.20% ki kam la dep pyntrei ka sorkar ka la kam, hynrei kata ka Smart Road ba 6 KM ym pat ïohi dak, ka Mechanised multilevel Car Park MLP ha Motphran Junction, Waste Water Treatment Plant lyngba ka in-situ Nallah Treatment Technology, ka Rain Water Harvesting, Fire Safety, Development of Tourism cum Cultural Center, Construction and Re-development jong ka ïew Laitumkhrah Municipal Market, ka jingpyntrei ïa ka ICCC bad ka Traffic Awareness na bynta ban ai jinghikai ïa ki khynnah skul ha ki jaka pule jong ki bad kine ki projek ym pat shym la ïohi dak eiei ba ka la don ka jingpyntrei kumba la kam ha ka RTI bad ki projek ba la ba ka don ka jingpyntrei kat kum ka jubab na ka RTI ka dei tang ka jingtei ïa ka Comercial Complex bad ka jingpynbha ïa ki jaka ïeng kali,” u la ong.