Jowai, Nohprah 14: Ka Jaiñtia Student Union seng kmie ka khot sngewbha ïa baroh ki dkhot barim ka seng bad ki paitbah kiba don ka mon sngewbha ban ïawan snoh kti lang sha ka jingpynkut ïaka lyngkhuh dap 50 snem ne ka Juliee Ksiar ka ban sa pynlong haka 17 tarik u bnai December, 2022 ha madan Jrisaleiñ Jowai Chutwakhu naduh ka por 10 baje mynstep.
Na ka liang ka seng ka khot sngewbha ïa ki dkhot barim bad ki nongïalam ba ha khmat ka seng ha ki por barim ba kin ïawan lang sha katei ka sngi khraw ka seng. Ha ka juh ka por ka JSU seng kmie ka pynmap ïa ki para dkhot ba rim bad kiwei ki paralok kiba ju don bynta bad ka seng JSU namar ka jingbym ïoh lad ban leit ïakynduh markhmat hynrei ka seng ka khot sngewbha ïa baroh ki dkhot bad ki nongïalam barim ka seng shakane ka sngi khraw.
