Yn pynlong ïa ka jingïakob pyni-nam ïa ki mar rep bad ki soh ha South West Khasi

Mawkyrwat, Nohprah 13: Ka ophis jong ka District Horticulture Officer (DHO), South West Khasi Hills District ryngkat ka jingïatreilang bad ka Hill Farmer’s Union (HFU) jong ka South West Khasi Hills District kan da pynlong ïa ka jingïakob pyn-i-nam ïa ki mar rep bad ki soh hapoh jong ka South West Khasi Hills District.
Kumta la kyrpad ïa ki nongrep ba kin wan ïa shimbynta ha katei ka jingïakop da kaba kin wanrah naduh ki jhur, ki muli, ki pathaw, kubi, tyrso, soh ñiamtra, sohbah, sohjew, ki syntiew Orchid, phan dieng, sohphlang, shriew, phan, syieng, shynrai bad kiwei de ki jait jhur.
Ki nongwan ïashim bynta ki dei ban da leh bha ïa ki mar rep jong ki bad la kyrpad baroh ïa ki nongrep ki ban wan ïa shimbynta ha katei ka jingïakop ki dei ban poi ïa ki mar rep jong ki ha ka 15 tarik mynta u bnai naduh ka por 11 baje mynstep haduh 5 baje janmiet bad ïa ki nongjop yn sa pynbna ha ka 16 tarik u Nohprah, 2022. Kane ka long katkum ka kyrwoh ba la bha da u General Secretary ka HFU, South West Khasi Hills District.