Mawkyrwat, Nohprah, 13: Ka Voice People Party (VPP) hynnin ka sngi jong 9 tarik Nohprah, 2022 ka la ïoh ban pynskhem ïa ki nongkitkam ba pura jong ka Ranikor Constituency na ka bynta ka MLA Election 2023 ha ka jingïadonlang da ki nongïalam jong ka party Central Body, u bah Arden Basaïawmoit, President bad u Treasure, u bah Grosspar Ryntathiang lem bad kiwei ki ‘riew rangbah.
La ïoh ban pynskhem ïa ki nongkitkam jong ka Voice People Party (VPP) Ranikor Constituency da u President ba rangbah, u bah Arden Basaïawmoit ha kaba u bah Overlin Imïong u la long kum President jong ka VPP Ranikor Constituency bad u bah Goldglister Syiemiong kum u General Secretary ryngkat bad ki 11 ki nongkitkam.
Haba kren ha ka jingïalang, u President Rangbah jong ka Voice People Party (VPP) u la ïoh ban pynshai ruh ba ka Voice People Party (VPP) ka ïeng skhem ha ka nongrim ba ka party ka kwah ïa ka jingkylla ha ka jylla khamtam ïa ka jingïadie ïa thied ïa ka vote ha ka por elekshon. U la ong ruh ba ka jingshah thied ïa ka vote ka long ka jingduh nongïa u paidbah.
Ha kane ka sngi u bah Arden u la kyntu ruh ïa ki paidbah jong ka Ranikor Constituency ba kin kiar na ka jingshah thied da ka pisa ha ki nongmihkhmat ïa ka vote jong ki namar ka long pat ka jingduh nongpat hadien ynda la dep ka elekshon.
