Shillong, ïaïong, 08: Uwei u mrad khlaw ïa uba la tip kyrteng kum u Syllieh ha ka ktien Khasi uba dei na ka longiing jong ki Risang bad ïa uba la tip kyrteng ruh ha ka ktien Phareng kum u Giant Flying Squirrel u la wan poi ha kawei ka phyllaw iing jong ka Kong Bakordor Thangkhiew ha ka shnong Umlyngka, Lumpongdeng, Upper Shillong ha ka sngi Balang ha ka por kumba 11:30 baje mynmiet.
Une u jait Risang u dei ruh uba la lah ban her haba kynthih na uwei u dieng sha uwei pat u dieng bad ka rukom pyiar ïa ki thapniang ka ïasyriem bha kumba pyiar thapniang ki langbadur.
Ïa une u mrad khlaw la aiti noh sha ki nongtrei jong ka tnat Wildlife ha ka step Sngi Palei ban leit pyllait biang sha khlaw.
