Nongpoh, Ïaiong 08: U Mohammad Azharuddin uwei naki rangïalehkai kriket bad tbit bad u kapten ba rim jong ka kynhun ka ïalehkai ka ri India mynta ka sngi u la wan poi ha ka jylla, ban sakhi kum u kongsan haka jingïakhun phainal ka Challengers Cup 2022 bala pynlong da ka Meghalaya Cricket Association ka ban long lashai ka sngi ha madan Polo.
Naka liang ki nongïalam ka MCA hapoh ka jingïalam jong u bah Dipul Ryntathiang Vice President ka MCA ryngkat u Bah Mac Sawian President SCA, Aaron G Diengdoh General Secretary ka East Khasi Hills District Associations mynta ka sngi kila leit ruh ban pdiang sngewbha ïa u naduh kad liengsuiñ ha nongbah Guwahati bad kumjuh ruh da ki nongïalam ka RBDCA bad ki player kriket ka Ri-Bhoi ha Circuit House Nongpoh.
Kum ban shu pynpaw ba ka jingïakhun phainal lashai ka sngi kan long hapdeng ka Nokrek Tiger pyrshah ïaka Myntdu Lion kaba dei ka kynhun jong ki Senior Men naduh ka por 9 baje mynstep ha madan Polo.
