Shillong, Naiwieng :Ka Seng Khynnah Seng Khasi Riwar Mihngi kan pynlong ïa ka Lympung kaba 13 ki Khynnah Seng Khasi Riwar Mihngi ha ka 3 bad 4 tarik u Nohprah 2022 naduh ka por 10 baje mynstep ha ka shnong Umñiuh Tmar.
Kumta na ka liang ka Seng ha u kyrwoh lyngba u Bah Lurshaphrang Khongsam President ka khot bad wer lang ïa baroh ki para kur para kha kiba bat ba ksoh hala ka jong ka niam Khasi kaba ki dang ïoh diangti na ki longshuwa manshuwa ba kin sngewbha ban ïa wan pynshngaiñ lang ha katei ka sngi khnang ba ka lympung kan long kaba phuh ba phieng bad kaba shongkun shongblei.
Kumta kum ka jingpyntip ka shnong Umñiuh Tmar ka jngai tang kumba 24 kilomitar na ka shnong Pynursla.
