Shillong, Naiwieng 27 : Ka Pondicherry ka la khur jingjop da kaba pynliem da hynñiew wicket ïa ka Meghalaya ha ka lympung ïalehkai U-25 Men State A Trophy ha ka jingïalehkai hynne ka sngi U Blei ha Chandigarh. Ka Meghalaya kaba tied nyngkong hadien ba ka khlem jop ha ka jingkynting pisa bad ka la lah ban kamai ron hapdeng u Arien Bonchang Sangma bad u Ibitlang Thabah kiba tied sdang ki kamai 18 bad 15 ron da kaba kamai ron lang da 35 ron.
Pynban watla ka 21 ron ba kamai da u Manish Sharma ka la pynhiar ka jingkamai ron ha kaba ka Meghalaya ka la shah pynhap lut baroh ki wicket da kaba kamai tang 86 ron ha ki 41.5 over.
Ka Pondicherry haba beh ïa katei ka ron ka khlem da pynslem ha kaba ka la pyndep ïa katei ka thong tang ha ki 11.4 over, watla ka la duh ïa ki lai wicket ha katei ka jingkamai ron, kata u Lokesh Turaha u ïoh 2 wicket ai kamai 16 ron bad u Badonnam John Mylliemngap u ïoh 1 wicket ai kamai 14 ron. Ka Meghalaya kan ïakhun pat bad ka Karnatakma ha ka sngi ba ar.
