Shillong, ïaïong, 07: Ka Chairperson jong ka Meghalaya State Commission for Women ka Dr. Phidalia Toi lem bad ki dkhot jong kane ka kynhun ha ka sngi Balang ki la hiar jurip ïa ki ophis treikam jong ka 181 Women Helpline kaba don ha Lachumiere, bad ka ïohlynti One Stop Centre kaba ha Ganesh Das Maternal and Child Health Hospital, Shillong.
Ka Chairperson bad lem bad ki Secretary, ki dkhot jong ka Commission bad ka Coordinator ki la ïakynduh ïa ki nongtrei jong kine ki ophis treikam khnang ban ïoh ïamir jingmut bad ki nongtrei halor kumno ban pynkhlaiñ shuh shuh ïa kine ki shnat treikam nabynta ban ïoh jingïada bad jingïarap ki kynthei kiba ngat ha kti ki nongthom bor.
Ïa ka kaiphod ha kine ki jingleit jurip yn phah pat sha ka Sorkar Jylla ba kan khmih halor ki jingai jingmut na ka Commission bad ban nang pynkhlaiñ shuh shuh ïa kine ki shlem ai jingïarap khamtam ba ha ki ne ki snem ki jingjia shah thombor jong ki kynthei bad ki khynnah ki la nang jur.
