Shilong, Ïaïong, 07: Ka jingïalang jong 2nd Joint Working Group kaba la long hapdeng ka North Eastern Council bad ka National AIDS Control Organisation ïa kaba la pynlong da ka Meghalaya AIDS Control Society, Shillong ha ka sngi Balang ha NEC Secretariat, Shillong ka la ïathir ïatai sani halor ka jingkiew ki briew kiba ngat ha u khniang jingpang HIV ha ka ri India bad ha ki jyllla jong kane ka thaiñ Shatei Lammihngi ka ri India.
Ka jingthmu haba pynlong ïa kane ka jingïalang ka long ban wad ïa ki lad ki lynti kumno ban pynsngewthuh sha ki paidbah nongshong shnong jong ka ri India bad ha kane ka thaiñ Shatei Lammihngi ban ïakhun thma pyrshah ïa ka jingsaphriang jong une u khñiang jingpang, ban weng ïa u sohkhliang uba ki briew kiba ngat ha une u khniang jingpang ki la mad ïa ki jingshah ibeiñ ha ka imlang ka sahlang bad bad ïarap ïa ki briew kiba don ïa u khñiang jingpang HIV bad AIDS.
Ha kane ka jingïalang ba la pynïaid da u Secretary jong ka NEC la ïashim bynta lang da ka Director jong ka NACO New Delhi ka Ms. Nidhi Kesarwani, ki Ophisar jong ka NEC, NACO bad ki Project Directors jong ki State AIDS Control Society jong 8 tylli ki jylla ka thain Shatei Lammihngi bad kiwei kiwei.
Covid-19:Sah 18 ki active case ha Jylla
Shillong, Ïaiong 07: Ka Jylla Meghalaya kala sah satang 18 ngut ki briew kiba dang pang Covid-19 ne ki active case.
Haduh san tylli ki District kila lait na kane ka jingpang bad kine ki dei ka Ri-Bhoi District, South West Khasi Hills, East Garo Hills, South Garo Hills bad ka South West Garo Hills.
Kat kum ka jingpyntip ka Tnad ka Koit ka Khiah, ki briew ba dang ïabit thymmai ïa ka jingpang kila don satang iwei mynta ka sngi katba iwei i nongpang ila ïoh pat ïa ka jingkoit.
