Ai jingmut ka HANM-JZ ïa ka sorkar ban weng ïa ka jingdheng kali kaba naduh Umiam ter ter sha Mawryngkneng

Khliehriat Iaiong 7: Ka Hynñiewtrep Achik National Movement Jaiñtia Zone, lyngba u kyrwoh ka pynpaw ka jingsngew khia halor ka jingdheng kali kaba naduh Shillong, Umiam, Diengpasoh ter ter shaduh Mawryngkneng kaba ju jia man la ka por ha kaba bunsien ki kali ki ju sakhut ha ka dheng kali, kaba ju wanrah ka jingthut ha ka leit ka wan jong ki paidbah, kumta kum ka jing ai jingmut ka seng ka kyrpad jur ïa ka sorkar ba kan sngewbha ban pyrkhat ban shna noh da ka surok Four-Lane na kane ka By Pass.
“ Ka por ruh kala dei hi ïa ka sorkar ba kan leh noh daka kam ban pyn heh ïa kane ka surok, ym ban shuh heh nia tang ha ki khubor bad ngi la iohi ruh ba imat ka sorkar kam don satia ka jingthmu ban thaw ïa ki lad ki lynti naka bynta ban lait na kane ka jingjur palat ka dheng kali khamtam ha sor Shillong, kumta ngi kum ka seng ngim banse ban shim ïa kane ka kabu kum ka jing ai jingmut ïa ka sorkar ban pyn heh noh da ki surok ha sor shillong ruh, kane kan long ruh kum shi bynta kum ka jingpynkhreh lypa na ka bynta ka New Shillong khnang ban lait naki jingshah kut kali ” ong u kyrwoh na u President ka HANM-Jaintia Zone, u bah Shaniahlang Suchen.
Shuh shuh ruh ka seng ka ong ba kam myntoi ïa ka sorkar ba kan shuh pynlut pisa tang ban thied ïa ki ki bus ban kamai ha sor Shillong namar ka jingdheng kali kan sa nang jur shuh shuh bad ngi sngew ban dawa ba ha ka jaka ban thied bus kan bha shibun ban shna noh da ka surok Four Lane, pynkut u kyrwoh.