Jowai, Ïaïong 07: Ka kynhun ïalehkai jong ka Ehrngiew FC kala long kum ka lahduh ha ka lympung ïalehkai phutbol ba la tip kum ka ‘6th Invitation Wahiajer Football Tournament 2022’ ba la pynïaid da ka Wahiajer Sport Club.
Ka kynhun Ehrngiew FC kala ïoh rah ïa kane ka nam lahduh mynta u snem hadien ba kala lah ban pynliem ïaka da 3-0 kol ïa ka YBSC Shella haka jingïakhun phainal kaba la long hynnin ka sngi 6 tarik u Ïaïong, ïa kitei ki lai (3) kol na ka Ehrngiew FC la ïoh ban thep tang marwei da u rangïalehkai jong ka u Robert khongjoh ba phong Jersey Number 10, uba la theh haka minute ba 23,60 bad ka minit ba 66, ha kaba u la khur shi shisyndon ïaka nam man of the Match.
Ïa kane ka lynpung la wan ban pynhap pyra da u MLA ka thaiñ uba dei ruh u myntri ka sorkar jylla u ma Sniawbhalang Dhar uba long kum u kongsan, ha ryngkat ka jingdonlang u MLA ma Wailadmiki Shylla kum u symbud, ki MDC ka JHADC naduh u ma Jesse Suiam, ma Lakhon Dkhar, ma Ailad Bhoi, ma Evening Tron, u DSO ka West Jaiñtia Hills District ma Khrobok Pasah, Hony. General Secretary WJDSA ma Lammatoo Laloo bad kiwei dei ki riew Rangbah kiba najan bad na jngai.
Ïa ka nam Best Player lah ïoh da u Henry Myrboh na ka Ehrngiew FC, best Goalkeeper la ïoh da u Eric Nongkhlaw na ka Ehrngiew FC bad ïaka nam Top Scorer jong kane ka Tournament la ïoh rah da u Samson Nongrum naka Azariah FC.
Lyngba kane ka nam jop jong ka Ehrngiew FC kala ïoh rah syndon da ka song pisa ba 2 lak tyngka lem bad ka trophy, katba ka kynhun YBSC Shella ka la ïoh shi (1) lak tyngka bad ka trophy.
