Shillong, Iaiong 6 : Ka BJP hangne ha ka jylla ka la rakhe ïa ka lyngkhuh snem ba 42 jongka party bad ïa kane ka jingrakhe la pynlong ha baroh ki district. Hangne ha nongbah Shillong la pynlong ïa ka jingrakhe ha ophis ka BJP ha kaba la ïadon lang u MLA ka Pynthor u bah A.L Hek, ki MDC na Jaintia HIlls bad Garo bad ki nongïalam ka party.
La ai jingkren ruh da u bah A.L Hek, MDC ka Tura u Bernard N Marak, u bah David Kharsati bad la ai jingkren lyngba ka video conference da u Myntri Rangbah duh ka ri u Narendra Modi bad u President ka BJP u JP Nanda.
Kine ki la kren halor ki jingpyrshang ka BJP ban ai ka jingshakri ba pynhun ïa ki paidbah baroh. Ka BJP ha Meghalaya ka la shim ïa ka rai ba kan ïai bud dien ïa ki skhim ba ka sorkar pdeng ka pyntreikam ha ka jylla khnang ban ym don ka jingbamsap bad ïa kane ka la thung ruh ïa u bah A.L Hek ban khlieh ïa ka kynhun ban bud dien ïa kine ki kam.
