Nongstoiñ, Ïaiong 6: Namar ba pynkheiñ ïa ka aiñ sorkar jylla kaba dei ka Inter-State Migrant Workmen (Amendment) Act, na ka liang ka seng KSU Nongstoiñ Circle ha ka jingïalam u samla Pynskhem Wanniang u ba dei u Assistant Organising Secretary, ki la pynher krad ïa ki phra ngut ki nongtrei bar jylla ba trei Carpenter ha ka shnong Nongpyndeng jong u Bah Donboklang Syiem.
Ha ka jingkhynra jong ka seng hynne ka sngi, la lap ba kitei ki bar jylla kim don ki kot ki sla ba biang khamtam ka Work permit, Police verification bad kiwei kiwei. Dei halor kane ka bynta ka seng ka la phah leit phai noh sha ka jaka ba ki wan tad haduh ba kin pynbiang shwa ïa ki kot ki sla kiba donkam.
