Jowai, Ïaïong 06: Ka lympung ïalehkai phutbol ba la tip kum ka ‘2nd U Adelbert Laloo Memorial Trophy’ jong ka kyrdan 3rd Division Football Tournament 2022 ba la pynïaid da ka West Jaiñtia District Sports Association (WJDSA) kaba la long mynta ka sngi 6 tarik u Ïaïong ha madan Kiang Nangbha Stadium Jowai.
Ha ka jingïakhun ba nyngkong mynta ka sngi ka kynhun ïalehkai jong ka Moodymmai kala jop da 4-1 kol pyrshah ïa ka Myrjai bad ïa katei ka ar kol la theh da u Sunday Talang ha ka minit ba 14, u Benison Rymbai ar kol ha ka minit ba 24, 71 bad u Daiohbor Chullai ha ka minit ba 68.
Ha ka jingïakhun ba ar la wan ban aireng hapdeng ka Royal Pole Mihmyntdu pyrshah ïa ka Khliehshnong Ialong, ha ka jingïakhun ka Royal Pole kala jop da 3-0 kol, ïa kitei ki lai kol la thep mar shikol da u Yooluti Pakma ha ka minit ba 28, u Sumarlang Suting ha ka minit ba 35 bad u Skhemlang Nongsiej ha ka minit ba 55.
Katba ha ka jingïakhun kaba lai pat kaba la long hapdeng Mukhla Umlangshor pyrshah ïa ka Tympang ha kane jingïakhun ruh ka Mukhla kala jop da 3-0 kol, ha ka kylla step u Sammuel Shylla ula thep haka minit ba 17, katba u Niewkor Sari bad u Heimon Lyngdoh kila ïoh ban thep kol ha ka minit ba 48 bad 60.
Ka jingïakhun lashai ka sngi 7 tarik kan long hapdeng ka Mookaswan Dongneiñ pyrshah ïa ka Mookymphad Mihmyntdu ha ka por 11 baje mynstep, ka Catholic Youth Mihmyntdu pyrshah ïa ka Mookaswan Dongwah ha ka por 1 baje nohphai sngi bad ka Pamamik pyrshah ïa ka Loompyrdi Iongpiah haka por 3 baje janmiet.
