Yn ailad biang ka Sorkar ïa ki khynnah ba duh leit thoh eksamin namar ka jingtwa surok

Shillong, Ïaiong 05 : Ka sorkar jylla ka la shim ïa ka rai ban ailad kyrpang ïa kito ki samla pule kiba la duh wan ban thoh eksam na ka daw ka jingwan lynshop kynsan ki bor ka mariang hynin ka sngi kaba la poi haduh u pud ba bun ki lynti syngkien ki la shah ktah lut.
Haba pyntip ïa kane, u Myntri ka tnad Pule Puthi ka sorkar jylla, Bah Lahkmen Rymbui u la ong, “Ngi la shimkhia halor kane ka bynta bad shim ruh ïa ka rai kaei kaba ngin leh na ka bynta kito kiba duh ban wan thoh eksam. Ïa kane ngin sa pyntip ha kine ki shisngi arsngi.”
U Myntri u ong ruh ba ka sorkar kan peit bad pyntikna ba kitei ki samla kiba duh shisha ban wan thoh eksam tang na ka daw ka jingleh ki bor ka mariang kin ym shah ktah satia ka lawei jong ki.
Lah ban kdew hangne ba hynnin ka sngi, ka la don ka jingtwa khyndew ha kylleng kylleng ki jaka jong ka jylla namar ka jingjur jong u slap. Da kane ka jingtwa ki surok, la don ruh ki khynnah kiba la shah ktah haba ki leit ban thoh eksam namar ka jingsahkut kali, Kane ka la jia ruh ha ka jingtwa surok ha Siatbakon ha kaba ki Pulit ki la ïarap ïa ki khynnah skul ban kam sha shiliang ban leit thoh eksam Matrik bad Class 12.