Shillong, ïaïong, 05: Ka tnat Civil Defence and Home Guards jong ka Sorkar Jylla ha ka sngi Baar lyngba ka hukum u Lat ka Jylla ba la pynmih da u Secretary ka Sorkar Jylla u Bah T. Lyngwa, la kyntiew kyrdan ïa u Bah RP Khongwar kum u Jt. Commandant Genral ka tnat Home Guards katba u Bah PH Khongsngi uba bat bat kum u Commandant, Central Traning Institute la thung kum u Senior Staff Officer, Directorate of Civil Defence & Home Guards, Meghalaya.
Lyngba ka jingmynjur jong ka Deparmental Promotion Committee, ïa ki saw ngut ki Ophisar kiba kynthup ïa u Peniwell T. Sangma, ka Kong Badalyne Khongkongor, u Bah Benalvic Warjri bad u Bah Paul Hilary Shylla ki la shah thung shipor ha ka kyrdan Senior Duty Posts.
Da ka jingshah thung ha ka kyrdan Senior Duty Posts, ïa u Peniwell T. Sangma la pynkynriah sha Divisional Commandant, West Garo Hills, Tura tad haduh ban da pynbna da kumwei pat.
Katba ïa ka Kong Badalyne Kharkongor, la thung kum ka Commandant jong ka Central Traning Institute, Civil Defence & Home Guards, Meghaaya hadien ka jingshah pynkynriah kam jong u Bah PH Khongsngi.
Ïa u Bah Paul H. Shylla la thung kum u Divisional Commandant, East Khasi Hills District tad haduh ban da pynbna da kumwei pat.
