Ka lieng jong ka Congress ka la ngam, ki nongïalam Congress ki dei ban kynthih noh : Bindo Lanong

Nongpoh, ïaiong05: U Bah Bindo M Lanong nongaibuit ba rangbah jong ka party UDP u la ong ba ka lieng jong ka seng Congress kala ngam jyllop haka jylla bad ka dei ka por kaba biang eh ba ki nongïalam kin mih ban kynthih noh naka jingïap jyllop haba kren haka jingïalang pdiang burom ïa u MDC bad ki nongïalam ka Congress sha ka party UDP mynta ka sngi ha Umwang.
U la ong ruh ba ka seng Congress kam don lyer shuh bad kam lah shuh ban thaw pyrthei haka jylla da kaba ai jingïaroh ruh ïa u Bah Balajied Ranee bad ka kynhun ba ki kynthih haka por kaba biang eh sha ka seng UDP ban lait naka jingiap jyllop hadien ba ka lieng jong ka seng Congress kala sdang ban ngam syndon haka jylla.
U Bah Bindo M Lanong u la ong ruh ba seng UDP ka dei kawei naki seng trai ri kaba ki paidbah ki donkam bad dei ban sngewthuh halor ka jingthmu bad ka jingtreikam bad ka dei ruh ka party kaba mih naka APHLC haki snem kiba mynshuwa kiba don ka juh ka thong ban ioh noh ka jylla ba pura bad kadei ka seng kaba dang im haduh mynta mynne bad dang iar ka jingtreikam haka jylla kumba mynta ka dei ruh ka party kaba kyrshan ïaka sorkar MDA.