Jowai, Ïaïong 04: Shi bynta ban pyntreikam ïa ka hukum jingmana ba la pynmih da u Chief Secretary, ka sorkar jylla katkum ka letter No. FOR/CC/2/2017/915, Dt. 26/3/2022 kaba long ruh katkum ka hukum jong ka National Green Tribual (NGT) ha ka O.A No. 172/2016.
Na ka liang u District Magistrate ka West Jaiñtia Hills District u bah Garod L.S.N. Dykes, (IAS) mynta ka sngi ula pynmih ïa ka hukum 144 CrPc kaba khang pyrshah ban pom ïa ki dieng, khar shyiap bad khlong maw beaiñ na ka Wah Myntdu kymjuh ha ki bynta ba hajan jong ka Wah.
Kumba la paw mynta ka jinglong jingman jong ka um na ki bynta Wah Myntdu kala jaboh shaba palat katba nangmih ki sngi, la pynsngew ba kane ka lah ban dei na ka daw ka jingsait jaiñ, siat kali, ka jingbret pathar ïa ka khyndew, ki jaboh bad ka jingkhar shyiat bad tih maw beaiñ ha ki bynta ka Wah Myntdu.
Halor kane u District Magistrate, ula pynjari noh shi syndon da ka kyndon aiñ 144 Cr.Pc kaba khang pyrshah ïa kitei ki kam beaiñ ha ki bynta ka Wah Myntdu, kino kino kiba pynkheiñ ïa kitei kane ka kyndon ki lah ban shah pynshitom katkum ka kyndon aiñ.
