Pynher jingthoh ka KSU ha ka Deputy Commissioner

Mawkyrwat, Ïaïong 04: Ka Khasi Students’ Union (KSU) jong ka South West Khasi Hills District hadien ka jingleit kyndang bad pynher krad ïa ki nongtrei kiba tei ïa ki ar tylli ki karkhana ne Coke Factory ha Shnong Nongjri bad Kulang kiba hapoh jong ka South West Khasi Hills District, mynta ka sngi ka seng ka la leit ban ïa kynduh ha ryngkat ka jingthoh, ban pan jingshai bad kyrpad ïa ka Deputy Commissioner, South West Khasi Hills District, Mawkyrwat ban phah khang ïa ka jingshna ïa kitei ki karkhana ha kane ka distrik.“U Forwardman Nongrem, President ka KSU South West Khasi Hills District Unit haba kren ha ki lad pathai khubot hadien ka jingleit ban ïa kynduh ïa ka Deputy Commissioner, South West Khasi Hills District, kong C. Kharkongngor, IAS, u la ïathuh ba na ka liang jong ka kam don jingtip ei ei halor kane ka jingtei ïa ki coke factories ha kaba mano ba ai jingbit ban buh ïa kum kita ki karkhana. Namarkata, kane ka pynpaw ba kitei ki kompany kiba la leit ban tei ïa kita ki karkhana ki la shu leh lyndet na ki bor pynïaid jong ka distrik bad kim shym la pynsngap ruh wat ïa ka sur jong u paidbah ba ki don ka jingpyrshah halor kane ka bynta.“Kumta kum ka seng ka sngewban pynrem jur ïa kane ka jingleh jong ki kompany ne ki ‘riew shimet ban leit ban tei ïa ki karkhana. Ha kajuh ka por u la ïathuh ba kum ka seng ka la kyntu ïa ka Deputy Commissioner ba ka dei ban phah pynsangeh noh mardor ïa kitei ki jingtei kiba don hapoh katei ka dong ka thaiñ, lymkumta kum ka seng kam banse ban hap ban shim da kiwei pat ki lynti bad ban ïa kren ruh bad ki paidbah ba kaei ka synjam nangne shakhmat kin sa shim.““Ka jingdon jong ki karkhana ka lah ban pynriew spah tang ïa uwei ne ar ngut ne ïa kita ki politician kiba kwah ban kamai spah da kaba suk”, ong u Forwardman hynrei na ka bynta u ba bun balang pat kan wanrah pynban ïa kiba bun ki jingeh la ka long ha ka koit ka khiah, ka jingjakhlia ki umbam umdih bad kine ki jingeh ba ki paidbah kin sa ïa kynduh lada ki bor sorkar kim lah ban pynsangeh ïa kane ka jingthmu ban buh ïa kum kitei ki karkhana hapoh jong ka dong ka thaiñ.“Kaba khadduh ka long ba kum ka seng hi kan ïai don ryngkat bad u paidbah ban ïeng pyrshah ïa kiba kum kine ki jait karkhana ba pynïeng da ki khwan myntoi shimet bad kiba pyrshang ban leh binami hano re hano bad ban ïaleh pyrshah ne ban jop ïa kiba kum kita ka donkam ka jingïatreilang jong baroh ki paid nongshong shnong naduh ki Rangbah, ki longkpa longkmie bad ki samla.“Ha ka dorkhas ba ka seng ka la phah ka ophis jong ka Deputy Commissioner jong ka distrik la ong ba ka KSU South West Khasi Hills District la ong ba da ka jingsngewkhia ba lada tei ïa kitei ki karkhana ki jingktah ïa ka mei mariang bad ïa ki paidbah nongshong shnong jong ka thaiñ kan sa don nangne shakhmat, namarkata, halor kane ka bynta ka jingtei ïa ki Coke Factories ki don ha ki 4 tylli ki jaka jong ka thaiñ kata ha shnong Nongjri, ha Nongkulang bad kiwei kiwei ki jaka ki ban sa tei.“Kumta ka seng ka sngew ban buh ruh ka jingkylli ba, Hato ki bor distrik ki la ïoh jingtip ne em halor kane ka bynta? Hato ïa kane la leh da ka jingbit jong ka District Administration bad hadien ba la dep ïoh ïa ki jingbit (Environmental Clearances) na ki Department sorkar ne la shu tei beaiñ ïa ki?“Halor ka jingpyrshah jong ka KSU South West Khasi Hills District hangne ka kwah ruh ban pynkynmaw ba ha ka 21/10/2021 ka la phah ïa ka jingthoh sha u Member Secretary jong ka Single Window Agency, bd ki la ïa kynduh bad phah jingthoh ruh sha u Member Secretary jong ka Meghalaya State Pollution Control Board ban pynthikna ba kum ka seng hi da lei lei ka pyrshah ban buh ïa kum kitei karkhana.“La ong ruh ba katkum ka nongrim ba ka seng ka ïeng naduh ba sdang ka long ba ka seng ka pyrshah ïa ka jingbuh ïa ki ‘Coke Factories’ hapoh ka distrik bad halor ka nongrim ba ka jingbuh ïa ki coke factories kan sa ktah ïa ka koit ka khiah jong ki briew, kan ktah ruh ïa ka mei mariang bad ki um ki wah kiba don hapoh jong katei ka thaiñ nalor ba ka dei ka mat kaba kumba ka paw ha ki jaka bapher bapher jong ka jylla ka ju wanrah ruh ïa ki jingkulmar jong ki paidbah nongshong shnong na ka daw ka jingktah jong kine ki karkhana ha baroh ki liang.“Namarkata, ka KSU South West Khasi Hills District ka kyrpad ïa ka ophis ne ka District Administration ka dei ban phah pynsangeh noh mardor ïa ki jingtei ïa kiba kum kine ki Coke Factories na ka bynta ka jingkoit jingkhiah jong ki paidbah kiba sah sha kito ki thaiñ bad kumjuh ruh halor ka nongrim ban ïada na ka jingpynjaboh ïa ka lyer bad ka mei mariang.“U Forwardman Nongrem, President ka KSU South West Khasi Hills District Unit u la ong ba hadien jingleit ban ïa kynduh ïa ka Deputy Commissioner ka distrik na ka liang ka DC kam don jingtip ei ei halor kane ha kaba mano ba ai jingbit ban buh ïa kita ki karkhana. Namarkata, kane ka pynpaw ba kitei ki kompany kiba la leit ban tei ïa kita ki karkhana da kaba shu leh lyndet na ki bor pynïaid jong ka distrik bad kim shym la pynsngap ruh wat ïa ka sur jong u paidbah.“Kumta kum ka seng ka sngewban pynrem jur ïa kane ka jingleh jong ki kompany ne ki ‘riew shimet ban leit ban tei ïa ki karkhana. Ha kajuh ka por u la ïathuh ba kum ka seng ka la kyntu ïa ka Deputy Commissioner ba ka dei ban phah pynsangeh noh mardor ïa kitei ki jingtei kiba don hapoh jong katei ka dong ka thaiñ lymkumta kum ka seng kam banse ban hap ban shim da kiwei pat ki lynti bad ban ïa kren ruh bad ki paidbah ba kaei ka synjam nangne shakhmat kin sa shim.““Ka jingdon jong kine ki karkhana ka lah ban pynriew spah tang ïa uwei ne ar ngut ne ïa kita ki politician kiba kwah ban kamai spah da kaba suk”, ong u Forwardman hynrei na ka bynta u ba bun balang pat kan wanrah pynban ïa kiba bun ki jingeh la ka long ha ka koit ka khiah, ka umbam umdih bad kine ki jingeh ba ki paidbah kin sa ïa kynduh lada ki bor sorkar kim lah ban pynsangeh ïa kane ka jingthmu ban buh ïa kum kitei ki karkhana hapoh jong ka dong ka thaiñ.“Kaba khadduh ka long ba kum ka seng hi kan ïai don ryngkat bad u paidbah ban ïeng pyrshah ïa kiba kum kine ki jait karkhana ba pynïeng da ki khwan myntoi shimet bad kiba pyrshang ban leh binami hano re hano bad ban ïaleh pyrshah ne ban jop ïa kiba kum kita ka donkam ka jingïatreilang jong baroh ki paid nongshong shnong naduh ki Rangbah, ki longkpa longkmie bad ki samla.“Ha kane ka sngi la synrang ruh da u General Secretary ka KSU South West Khasi Hills District Unit, u Jiedskhem Nongsiej, u Finance Secretary ka KSU South West Khasi Hills District Unit, u Marconi Thongni lem bad kiwei kiwei de.