Nongstoiñ, Ïaiong 05: U District Magistrate ka Eastern West Khasi Hills District ha ka hukum ba la pynmih katkum ka section ba 144 jong ka CrPC, u la pakhang ïa ka jingïaid jong ki kali heh kum ki trok ne dumper ha ka surok Laitnamlang-Peiñlang, namar ka jingïaid jong ki kali heh kiba kit palat pud ka la wanrah ïa ka jingjulor jong kane ka surok.
La pynmih ïa kane ka hukum kum shibynta ban ïada na ka jingjulor shuh shuh jong kane ka surok bad na ka bynta ka jingshngaiñ jong ki paidbah nongshong shnong. Kino kino kiba pynkheiñ ïa kane ka hukum kin shah pynshitom katkum ka section ba 188 jong ka Indian Penal Code, 1860, bynrap shuh shuh ka hukum u District Magistrate.
