Shillong, Ïaïong 05: Ka Sawmer SC kala bteng khur nam jop ha ka lympung ïalehkai First Division ba pynïaid da ka Shillong Sports Assocaition (SSA), da kaba pynliem da 3-0 kol pyrshah ïa ka Imson SC ha ka jingïalehkai ha ka sngi Ba-ar ha madan MFA, Polo, Shillong.
Ka Sawmer SC lyngba kane ka nam jop kala khur hynriew point na ki arsien ïakhun katba ka Imson SC ka khlem pat kamai point hadien ba kala rem noh ha baroh arsien ki jingïalehkai.
Haba phai sha ka jingïakhun hapdeng kine ki ar tylli ki team, ka Sawmer SC tang ha ka jingïalehkai ba dang ïaid san minit kala ïoh ban thep kol lyngba u Rheadolf N Doloi, bad tang hadien ar minit u Diego A Khriem u la thep ïa ka kol kaba ar, ha kaba ka kynhun kala lamkhmat da 2-0 kol haduh kaba kut jong ka kylla step.
Haba wanphai sha ka kylla miet, ka jingïakhun kala nang ïathnem ha baroh arliang, ki rangïalehkai ka Imson ki khlem aiald ïa ki rangïalehkai ka Sawmer kiba la tur naphang sha ka kut, hynrei na ka jingïai pyrshang, u Rheadolf N Doloi sa shisien pat u la thep ïa ka kol kaba ar na bynta jong u bad kaba lai na bynta ka Swmer (58min) kaba la jop syndon da 3-0 kol.
Ka jingïalehkai 1st Division kan bteng biang ha ka 7-04-2022 hapdeng ka Smith SC pyrshah ïa ka Umphrnai SC ha ka por 3:30 baje janmiet.
