Da ka Ambulance ai sngewbha ka KTIEW EMS Trust sha ka Dr. H. Gordon Roberts Hospital

Shillong, ïaïong, 3: U Bah L Michael Kharsyntiew u la pyllait ïa ka FORCE trax Ambulance kaba dei ka bynta jong u snem 2021 ïa kaba la synñiang da ka trustee jong ka KTIEW EMS TRUST London UK hapoh Dr H Gordon Roberts Hospital, Jaïaw Pdeng, Shillong.
Kum ka jingïai bteng ban kyrshan ïa ki kam shakri jong ka Hospital kaba lah jan kynjoh sha ka jingdap 100 snem, na ka liang jong ka TRUST ka la pynlait ïa ka pisa kaba la kot sha ka T. 40.5 lak kaba kynthup ruh ïa ka jingthied ïa ka kali Ambulance ha ka jinglut kaba T. 13.5 lak.
“Kane ka kali Ambulance ka don ar tylli ki Oxygen Cylinder. Kane ka kali kit nongpang, kaba dei kaba nyngkong ba la ban ïoh hapoh ki Hospital jong ka nongbah Shillong. Ka don ïa ki Cardiac Monitor, ar tylli ki Portable SPO monitor bad kiwei ki jingsumar ba kynthup ka kamra ICU ban kit ïa ki nongpang,” ïathuh u Bah Kharsyntiew.
U la ong ba kane ka kali Ambulance kaba hapoh ka jingïalam lynti ka National Ambulance Service yn pyndonkam ban kit ïa kiba pang jur na kawei ka jaka sumar sha kawei pat.
Namarba ka dei ka kali SUV Ambulance ka jingshakri ka lah ban poi shaduh ki jaka bajngai ki shnong ba don ki PHC bad CHC ha baroh kawei ka jylla ban kit ïa kiba pang ban ïoh ki jaka sumar ba biang na ka bynta ka jingkyrshan ïa ki jingim briew.
Ha ka prokram la donlang ki bor pynïaid ka hospital, kynthup ïa MS, ki doktor bad kiwei kiwei.