Shillong, Iaiong 02 : Ki shipai BSF ki la trei bor bah ban ïakhun pyrshah ïa ki kam khaïi beaiñ ha khappud bad ka Bangladesh, ki la ïoh ban kurup 210 tylli ki Phensedyl na South Garo Hills District.
Kane ka dawai Phensedyl ka dei ka dawai kaba la khang pyrshah ban die namar ki briew ki pyndonkam ïa ka kum ka jingdih ban pynbuaid bad ka jingïakhaïi beaiñ ïa kane ka dawai sha Bangladesh ka jur bha na India sha Bangladesh dei na kane ka daw ba ki BSF ki ïa khun pyrshah ïa kane ka jingleh beaiñ.
Ka jingpyndon kam ïa kane ka Dawai sha Bangladesh ka long ki pyndon kam ïa ka kum ka jingdih buaid ha ka jaka jong ka kyiad bad na ka liang jong ka Ri Bangladesh kala khang pyrshah ban pyndon kam ïa kane ka dawai.
Na ka liang jong ki shipai BSF ha kine ki lai bnai mynta kila ïoh ban kurup haduh 1300 bilor ki dawai phensedyl katba dang pyrshang ban shallan sha Bangladesh na India .
